Hest, fest og heimlengt med Finn Tokvam, Olav Stedje og Twang Gang

Om arrangementet

Hest, fest og heimlengt! Countrysladder med Finn Tokvam, Olav Stedje og Twang Gang. Om du trudde at countrymusikken berre var sår og trist, så har denne kvintetten sett seg føre å motbevisa det, men kanskje tek vemodet dei til slutt?

Konseptet byrja som eit tingingsverk for Den Intellektuelle
Countryfestivalen på Voss. Her skjøna dei raskt at hest ER best, og dei
bestemte seg for at fleire publikumarar burde få den same oppvakninga
om countrymusikkens sjel og opprinnelse. Om du likevel meiner du kan
alt om countrymusikken, har du i alle fall sjeldan fått det presentert på
ein slik morosam og underfundig måte. Kanskje det likevel kjem nokon
avsløringar du ikkje visste frå før?
Den som møter opp får sjå og høyra! Finn Tokvam er kjend frå både
radio og TV, og er forfattar og musikar på nasjonalt nivå. I denne
konserten får de oppleve han saman med landets mest hardtsvingande
rockabillyband, Twang gang frå Voss. Her får du både le og grina, og
forhåpentlegvis lært noko nytt.

Special guest: Olav Stedje!

Dørene opnar kl 19.00 og tørkar støvet av ølkranane, og tilbyr eit cowboymåltid.